O PSdeG PSOE de Lugo arrancou a campaña das eleccións xerais do 20 de decembro coa tradicional pegada de carteis na Praza de San Marcos, na cidade luguesa, nun acto no que participaron a Alcaldesa de Lugo, Lara Méndez López, o Presidente da Deputación, Darío Campos Conde, a candidata socialista ao Congreso, Margarita Pérez Herraiz, e o candidato ao Senado, Ricardo Varela, xunto a outros compañeiros na lista do PSOE ás eleccións xerais.
