Aquí podes coñecer ás mulleres e homes que forman o equipo do Concello de Lugo coa alcaldesa Paula Alvarellos. O noso obxectivo é seguir impulsando un proxecto colectivo de transformación e modernización de Lugo baixo o paraugas da sostibilidade. Proxecto que, tras 8 anos de avances, é xa imparable.

Un proxecto que representa o sentir dunha gran maioría social, o sentir desa veciñanza que cada mañá se levanta e loita polas súas aspiracións vitais, profesionais, laborais e familiares, e que confían en que a cidade onde viven lles ofreza unha contorna de espazos confortables no seu día a día, pero tamén servizos, políticas sociais e oportunidades laborais de presente e futuro para eles e os seus fillos.

Cada unha das persoas da o paso ao fronte para abandeirar o proxecto claro de cidade que lidera a alcaldesa Paula Alvarellos é un representante da cultura do esforzo e dos valores progresistas, un proxecto que é feminista, integrador, ecolóxico, que persegue a xustiza e equidade social e que respecta a diversidade e a inclusión.

O PSOE de Lugo representa un equipo cohesionado e representativo de 25 persoas, integrado por lucenses de idades diversas, da contorna rural e urbana, procedentes do sector privado e do público e gran coñecedores da realidade dos distintos barrios e parroquias. Un equipo ilusionado e ilusionante, preparado, con experiencia, con gran capacidade de xestión e que están unidos polo seu amor por Lugo.

Este é o equipo de Paula Alvarellos:

PAULA ALVARELLOS FONDO Avogada. Alcaldesa de Lugo, pertinaz e con gran capacidade de traballo e moita man esquerda. A modernización da Administración foi un dos seus grande retos, que acelerou, con éxito, en plena pandemia para poder atender ás necesidade da veciñanza. Unha das palabras que mellor a poden definir é ilusión, a que impregna en todo o que fai, tanto na Administración como seu paso anterior pola avogacía e como Presidenta da Asociación Penitenciaria Concepción Arenal, que loita pola reinserción social de persoas que cumpriron penas de prisión, coa que leva colaborando máis de 20 anos.

MIGUEL FERNÁNDEZ

A.T.S. pola Escola de Axudantes Técnicos Sanitarios da USC e Diplomado en Enfermería pola UNED, cambiou o coidado dos enfermos pola coidado da cidade cando foi elixido concelleiro no ano 2015.

Cre no presente e no futuro do rural, e traballa en corpo e alma para que sexa un lugar no que vivir e no que traballar, un lugar de oportunidades. A súa máxima é escoitar sempre á veciñanza, no rural, pero tamén nas áreas polas que pasou, como Deportes e Medio Ambiente, esta última unha concellería clave no modelo de cidade da alcaldesa Lara Méndez, onde puxo en marcha o novo servizo de limpeza e recollida de lixo.

Pon o corazón e alma en todo o que fai. Destaca pola súa dedicación absoluta e pola súa perseverancia, nos grandes proxectos pero tamén nos pequenos asuntos do día a día.

MAURICIO REPETTO

Psicólogo, empresario, enormemente creativo e impulsor de proxectos, foi concelleiro tanto de Desenvolvemento Local e Emprego así como de Deportes e Xuventude, sendo, ademais, o promotor dos últimos Arde Lvcvs, que acabou coa consecución da declaración de Festa de Interese Turístico Internacional. Con grandes inquietudes persoais, a súa cabeza é un constante rebulir de ideas. Moi involucrado profesionalmente coa adolescencia e a infancia na prevención de adicións ou na visibilización dos seus problemas, pero tamén co tecido empresarial da provincia de Lugo e coa mocidade emprendedora para axudarlla a activar as súas iniciativas.

ANA GONZÁLEZ ABELLEIRA

Diplomada en Traballo Social. Constante e moi próxima a cidadanía, é concelleira en Lugo desde hai 12 anos. Esta veciña da Milagrosa ten un gran don de xentes e un profundo coñecemento do tecido asociativo de Lugo, co que traballa man a man agora como edil responsable da área de Desenvolvemento Local e Emprego, pero tamén do complexo engranaxe da área de benestar, igualdade e inclusión na que estivo volcada durante máis de 8 anos. Unha labor que compaxina coa secretaría xeral da Agrupación Local do PSdeG.

JORGE BUSTOS

Este lucense de 30 anos, amante e gran defensor da calidade de vida en Lugo, está acostumado ás carreiras de fondo en todos os ámbitos onde desenvolve a súa carreira como é a enxeñaría e a edificación, onde fundou varias empresas, pero tamén no deporte, onde é adestrador do EMEVE. E tanto na enxeñería, onde conta cunha ampla experiencia como redactor de proxectos, como no deporte, se presenta como un gran xestor de equipos asumindo posicións de responsabilidade e liderado.

OLGA LÓPEZ RACAMONDE

Esta enfermeira especialista en enfermaría obstétrico-xinecolóxica, moi implicada coa sanidade pública de Galicia, é a actual concelleira de Benestar Social, Inclusión e Maiores, onde desenvolveu un papel fundamental nunha área que foi clave para protexer e coidar ás e aos lucenses máis vulnerables durante os máis duros momentos da pandemia, con proxectos que chegaron para quedarse como a estratexia de atención aos maiores en soidade. Matrona de Atención Primaria, tivo entre as súas mans durante os seus primeiros minutos de vida a centenares de lucenses, de nenos e nenas aos que axudou a nacer.

PABLO PERMUY

Licenciado en Matemáticas (Estatística e Investigación Operativa) e diplomado en Dirección Económica e Administrativa de Hospitais.

Este matemático, gran coñecedor das finanzas sanitarias pola súa labor profesional no Hospital de Lugo, é tamén un gran amante da fotografía e deportista. Foi xogador de balonmán e o presidente do Comité Técnico de Árbitros da Real Federación Española de Balonmán, deporte no que ocupou cargos tamén de ámbito nacional e internacional. A súa capacidade de xestión probada durante a súa longa vida profesional e a súa versatilidade son algunhas das súas grandes calidades, así como a súa gran capacidade de compromiso.

ÁNGELES NOVO

Graduada en Nutrición Humana e Dietética e especializada en Nutrición Clínicae Coaching Nutricional, é unha moza vital, alegre, emprendedora e con gran iniciativa, características que a levaron a montar a súa empresa coa que axuda xa a moita xente e a diversos colectivos a levar unha vida máis sa e equilibrada, desde colexios ata clubs deportivos, e tamén a través da divulgación con súas numerosas colaboracións que mantén en distintos medios de comunicación.